Ullunik kisitsineq NAKUUSAmi

Qaammataannanngorpoq meeqqanut ataatsimeersuartitsinissaq 2025 aallartinnissaanut!

Pilersaarusiat pissanganartut inississornikuupput NAKUUSAp Meeqqat Isummersorfiini ataatsimeersuartitsinissaanut. Pilersaarutillu kingulliit inissinnissaat sulissutigaagut.

Meeqqat Isummersorfii ukioq manna sammisassaq aalajangiussimasaat tassaavoq najukkami avatangiisit peqqinnartut, meeqqat ataatsimeersuarneranni siunertaavoq meeqqat naapeqatigiinnerat, oqaloqatigiinnerit, imminullu qivianerit samminissaat. Ileqquusut malillugit meeqqat sammisanut attuumassutilinnik iliuuseqarnissamut inersimasunut siunnersuutissaminnik sanassapput. Politikerinut aamma inersimasunut, meeqqanullu allanut.

Aamma ukioq manna nunatta politikerii, Naalakkersuisut aammalu borgmesterit qaaqqusaanikuupput illuatungeriit workshopernissannut, ukioq manna qulequtaq sammineqartussamut. Aggorserumaarlugu Meeqqat Isummersorfii politikerillu oqaloqatigiinnissaat, periarfissaq immikkuullarissuuvoq qulakkeerniarlugu toqqaannartumik sukumiisumik qulequttami saammineqartumi meeqqat ilaatinnissaat. Neriulluta nunat aalajangiisartui pingaartikkumaaraat meeqqat tusaanissaat periarfissami uani.

Kalaallit Nunaanni UNICEF-imi tulluusimaarutigingaarpagut Meeqqat Isummersorfii! Sapiissusaat tunniusimanerilu nuannaraagut, qulequttat pingaaruteqartut meeqqat inuusuttuaqqallu ineriartornerannut atugassarititaasunullu qaqillugit eqqartortarnerini. Tulluusimaarutigaagut sapiissuseqarlutik qulequttat artornarsinnaasut eqqartortarmassuk, qilanaarilluinnarpagullu qulequttamut attuumasunik imminullu qiviarnartumik tusaaqqarfiginissaa. Ullutsinni meeqqat ilisimasaat annertupput meeraaneq pillugu, uagullu inersimasut pikkorissiffigiartuinnarisinnaallugu meeqqat ilaatinnissaat, tusarnaarnissaat, iliuuseqarsinnaanerlu meeqqat illannginnerini

UNICEF NAKUUSA-kkoorlugu Meeqqat Isummersorfii 14-ianissaaq Kalaallit Nunaanni ingerlanneqalerpoq! Ataavartumik toqqissisimanartumillu meeqat ilaatillugit suliaqartarneq immikkuullarilluinnartuuvoq naleqarluinnarlunilu, Naalakkersuisut UNICEF-lu suleqatigiinnerminni 2010-mi pilersitaat. Kommunit, attaveqaatillu nunaqavissut tunniusimallutik peqataasarneri aamma pinngitsoorsinnaanngilluinnarpagut. Suliaqartut annertuumik suliniuteqartuarput Meeqqat Isummersorfii oqinnerusumik nunatsinni ingerlalernissaanut.

Suleqatitta tapersersuineri kaammattuinerilu Børnealliancen-imi kissaallannaannanngilaq UNICEF-imi, takussutissaavorli ataqqeqatigiilluni suleqatigiinneq qanoq Kalaallit meerartaannut inuusuttuarartaannullu iluaqutaatiginersoq.

Qilanaaqaagut Meeqqat Isummersorfii, suleqatit tunniusimasut sulerusussusillit aammalu Naalakkersuisut borgmesterillu Meeqqat Ataatsimeersuarnissaannut 2025, tikilluaqqunissaat!