2024-mi ukiumoortumik nalunaarusiaq saqqummerpoq
”Akornuserneqarani isummamik annissisinnaaneq meeqqat pisinnaatitaaffigaat. Isummamik tusarneqarnissaa ataqqineqarnissaalu pisinnaatitaaffigaattaaq. Pisinaatitaaffiit taakku Naalagaaffiit Peqatigiit meeqqap pisinnaatitaaffii pillugit isumaqatigiissutaani artikel 12-imi ersarissumik allassimapput. Toqqammavisarlu aalajaatsoq taanna najoqqutaralugu Kalaallit Nunaanni UNICEF-imi sulivugut.”
Suliniutinut pisortaq Tina Dam Kalaallit Nunaanni UNICEF-ip 2024-imi ukiumoortumik nalunaarusiaani taama aallarniivoq
”Qujanartumik – najukkani nunalu tamakkerlugu – meeqqat misilittagaannik isumaannillu naalaarnissamut politikkikkut piumassuseqaleriartorneq misigaarput,” suliniutinut pisortaq nangilluni oqarpoq.
Ukiuni arlalinni imigassaq pillugu politikkissamik ilisimatusarnermik tunngaveqartumik innersuussusiornermi, ilaatigut angerlarsimaffimmi imigassaq toqqissisimannginnerlu pillugit meeqqat 2024-imi- oqaaseqaataat attortinnartut naalaarneqarput.
Meeqqat Isummersorfiinit aallartitaq, nunatta pisortatigoortumik Parisimi isuaqatigiissummut ilanngunnerata nalliussineqarnerani oqaaseqarnnissamut qaaqquneqartoq, naalaarneqarportaaq.
Meeqqat ukiumoortumik ataatsimeersuarneranni, toqqissinarnerusumik internetsimiissinnaaneq pillugu meeqqat oqariartuutiminnik saqqummiussineranni – kiisalu aalajangersakkaminnik politikerinut atorfilittanullu tunniussinerminni naalaarneqarput.
Tamanna pillugu – allarpassuarnillu 2024-imi ukiumoortumik nalunaarusiatsinni paasisassarsiorit
