Ilinniartitsinermi
atortut
Meeqqat pillugit isumaqatigiissut pillugu ilinniartitsineq
Meeqqat pillugit isumaqatigiissut pillugu atuartitsinermi atorsinnaasatit uaniipput.
Meeqqat pisinnaatitaaffii pillugit quppersagaq nutaaq
FN-ip Nunarsuaq tamakkerlugu Meeqqanut ullorititaannut atatillugu ulloq 20. novembari ullumi atuartitsinermut quppersagaq nutaaq saqqummiupparput: “Pisinnaatitaaffitit ilisimakkit”.
Quppersagaq atuartunik akullernit aamma angajullernit suliarineqarput aamma nunami tamarmi atuarfinnut sammisuullutik. Filimi annillatseriaannarmi suliarineqarput, taamaalillutik najukkami atuartitsinermi atorneqarsinnaallutik.
Quppersagaq suliassanik, sungiusagassanik aamma eqqarsaatigalugu ingerlatassanik imaqarpoq, taakkua atuartut ilisimasaannik aamma Meeqqat Pisinnaatitaaffiinik paasinninnerat annertusassavaat. Tamatuma saniatigut ilinniartitsisumut ilitsersuut ilaavoq taanna isumassarsiorfiuvoq, qanoq iliornikkut atortussiat atuartitsinermut ilanngunneqarsinnaanerannut.
Tamatumunnga ilutigitillugu ilinniartitsisut takujuminartumik aamma atuinissamut sammisuuvoq aaqqissuussamik sakkussaalluni Meeqqat Pisinnaatitaaffii pillugit suliaqarnissamut fagit aamma ulluinnarni pædagogiskiusumik periutsit apeqqutaatinnagit.
Atuartitsinermut quppersagaq Meeqqat pisinnaatitaaffiini immikkoortoq 42 tapersersorpaa, tassani erseqqissaatigineqarpoq meeqqat kikkulluunniit tamarmik pisinnaatitaaffitik ilisimassagaat.
Meeqqat pisinnaatitaaffii pillugit nallukattanik pinnguaat
UNICEF meeqqat pillugit isumaqatigiissummik nutaamik meeqqanut pitsaasumik pilersitsisimavoq. Assiliartat toqqarneqarneranni kalaallit meerartaat peqataasimapput, aamma NAKUUSA-p Meeqqanut Siunnersuisoqatigiivi kalaallisut allassimasunik pilersitseqataasimapput.
Nallukattanik pinnguaatip qanoq atorneqarsinnaaneranut isumassarsititsisinnaasumik malitassiami allassimasoqarpoq.
Atuagassiaaraq atuartunut 4.-6. klassinut
Kinaassuseq, kulturi, ataatsimoorneq akaareqatigiinnerlu
Atuagassiaq Meeqqat pillugit isumaqatigiissummik ilinniartitserusuttunut naleqqussagaavoq. Meeqqat kinaassuseqarsinnaatitaanerat kulturimillu namminneq pigisaqarsinnaatitaanerat, aamma akaarineqarlutik pineqarsinnaatitaanerat inuiaqatigiinnullu ilaasinnaatitaanerat suliassani sammineqarput.
Suliassat taakkua tamarmik qanoq sivisutigisumik (atuartitsissutit qassit), kikkunnit sammineqarsinnaanersut (klassi sorleq), suullu atortussat piareersimatissanerlugit aamma suna siunertaanersoq kiisalu suliassaq qanoq imaqarnersoq qanorlu naammassineqarsinnaanersoq naatsumik allaatigineqarput. Ilinniartitsissutit ilaat kopigassartaqarput.
Suliassani atuartunut quppersakkami 4. klassimiit 6. klassimut suliassat atorsinnaagaangata allassimasoqartarpoq.
Neriuppugut ilinniartitassasilu suliassat atorluarumaarisi.
NAKUUSA-p paasititsiniutai
Ukiut tamaasa NAKUUSA assigiinngitsunik paasititsiniutinik suliaqartarpoq. Filmit paasititsiniutigisartakkavut KNR-imi aamma inoqatinut attaveqaatitigut takutinneqartarput, aamma atuarfimmi atuartitsinermi atorneqarsinnaasunik sungiusaataasunik atuartitsissutinik sanasarpugut.
