UNICEF nunatsinni

NAKUUSA

NAKUUSA, Naalagaaffiit Peqatigiit meeqqat pillugit isumaqatigiissutaat pillugu ilisimasanik nunatsinni siammarterinermik suliniuteqartuuvoq, meeqqat inuusuttullu najukkani nunalu tamakkerlugu suliani peqataatinneqarnissaannik sunniuteqarnissaannillu qulakkeerinnittuulluni.

Nakuusa pillugu

Naalagaaffiit Peqatigiit meeqqat pillugit isumaqatigiissutaat – meeqqanut pisinnaatitaaffiit immikkut ittut

Meeqqat pisinnaatitaaffiisa qulakkeerneqarnissaat pisariaqartinneqarmat Naalagaaffiit Peqatigiit meeqqat pisinnaatitaaffii pillugit isumaqatigiissutaat 1989-imi novembarip 20-anni akuersissutigineqarpoq.

Meeqqanut pisinnaatitaaffiit tunngaviusut qulakkeerniarlugit, meeqqat pisinnaatitaaffii pillugit isumaqatigiissut allanneqarpoq. Tamatumani pineqartut tassaapput ineqarneq, toqqissisimaneq isumassorneqarnerlu, aammali meeqqat inuttut namminneerlutik pisinnaatitaaffilittut pineqarnissaat pineqarpoq.

Nunat 190-it sinneqartut meeqqat pisinnaatitaaffii pillugit isumaqatigiissut atsioqataaffigaat, taamaalillunilu isumaqatigiissut taanna nunarsuarmi nunat amerlanersaannit akuerineqarpoq. Nunarput 1993-imi aamma atsioqataavoq.

Meeqqat pisinnaatitaaffii pillugit paasissutissat annertunerusut

Arrangementer og kampagner

Meeqqat ataatsimeersuarnerat

Meeqqat nunarput tamakkerlugu Meeqqat Isummersorfiini ilaasortanit peqataaffigineqartumik ukiumoortumik ataatsimeersuartinneqartarput. Ataatsimeersuarneq NAKUUSA-mit aaqqissugaavoq peqataasullu Naalagaaffiit Peqatigiit meeqqat pisinnaatitaaffii pillugit isumaqatigiissutaat aallaavigalugu pingaarutilinnik oqaluuserinninnissamut aaqqiissutissanillu siunnersuuteqarnissamut periarfissinneqartarput.

Paasisaqarnerugit

Meeqqat Ulluat

Meeqqat pisinnaatitaaffiisa siuarsarnissaat meeqqallu atugarissaarnissaat pillugu eqqummaarinnerulersitsiniarluni Kalaallit Nunaanni juunip aallaqqaataani Meeqqat Ulluat NAKUUSA-mit nalliussineqartarpoq. Ulloq taanna malunnartinniarlugu meeqqat, angajoqqaat, atuarfiit innuttaaqatigiillu peqataaffigisaannik assigiinngitsorpassuarnik sammisassaqartitsisoqarlunilu suliniuteqartoqartarpoq.

Paasisaqarnerugit

Paasititsiniaanerit

Najukkani nunalu tamakkerlugu meeqqat pisinnaatitaaffiinik ilisimanninneq siuarsarniarlugu UNICEF aamma NAKUUSA paasititsiniaanerni atortussanik – paasissutissiiniarlutik peqataatitsiniarlutillu ass. filminik internetikkullu periarfissanik suliaqartuarput.

Paasisaqarnerugit

Nutaarsiassat

Quppersakkat nutaat saqqummerput: Ajornartoornermi siunnersuutit

Meeqqat aamma inuusuttut najukkami avatangiisit toqqissisimanartut peqqiffiussullu avatangiisererusuppaat

Quppersagaq nutaaq meeqqat pisinnaatitaaffiinut tunngasoq

Nutaarsiassat allat uani atuakkit

Suna pillugu UNICEF tapersersorneqassava?

UNICEF Naalagaaffinnut Peqatigiinnut ilaasoq nunarsuarmi meeqqat pillugit suliniaqatigiiffiit annersaraat. Suliniaqatigiiffiuvugut meeqqat inuunermi aniguisinnaanissaannut inuunermilu imminnut napatinnissaannut suleqataasussatut, – nunarsuarmi nunat tamarmik siuttuutitaattut.

Meeqqat amerlanerpaat angusarpagut

Suliniaqatigiiffinnut allanut sanilliulluta meeqqat amerlanerusut angusarpagut nunarsuarmilu meeqqat 45%-ii angullugit meeqqanut akiuussutissanik tunniussisarluta.

Annertuumik sunniuteqarpugut

Naalagaaffiit Peqatigiinni nunat tunuliaqutaralugit immikkut ittumik inissisimallutalu suliniutitta iluatsinnissaannut annertuumik periarfissaqarpugut.

Ineriartornermi siuttuuvugut

Teknologiimit nutaamit periarfissaasut misilittagartuujunittalu kattunnerisigut suut periarfissaasut pitsaanerulersinnerinut toqqammavissiivugut.