Pisoqarpammi?

TUSAGASSIUUTINUT NALUNAARUT

Folk & Sikkerhed Kalaallit Nunaat aamma UNICEF Kalaallit Nunaat toqqissisimaneq upalungaarsimanerlu pillugit eqqartueqatigiinnissamut innuttaasunut qaaqqusipput.

Tamanna pissaaq:

Nuummi Katersortarfik, Sisamanngornermi februaarip tallimaani nal. 16.30 – 18.30.

Inuusuttut angajulliit inersimasullu ammasumik eqqartueqatigiinnissamut qaaqquneqarput. Tassani toqqissisimaneq upalungaarsimanerlu sammineqassapput siunertalluunilu upalungaarsimaneq tigussaanerusumik eqqartornissaa taamaasillunilu innuttaasut akornanni toqqissisimaneq annertusarlugu.

Folk & Sikkerhed Kalaallit Nunaanni siulittaasutaaq Kaj Kleist aamma UNICEF Kalaallit Nunaanni pisortaasoq Tina Dam aaqqissuussamut qaaqqusisuupput. Paarisamiit aaqqissuussamut aamma najuuttoqarumaarpoq.

Ataatsimiinnermi quppersakkat upalungaarsimanermut tunngasut naqiterneqaqqammersut Nuummullu apuuteqqammersut saqqummiunneqarumaarput. Quppersakkat taakku qulequtaqarput: “Pisoqarpammi” & “Ajornartoorfiusumi qitornat imatut tapersissavat”.

Upalungaarsimaneq pillugu saqqummiisoqarumarpoq aamma toqqissisimannginneq sillimanerlu pillugit meeqqat inuusuttullu qanoq oqaluunniissaat pillugu siunnersuuteqartoqarumaarluni.

Innuttaasut akorniminni eqqartueqatiginissaamut periarfissaqarumaarput minnerunngitsumillu aamma Folk & Sikkerhed Kalaallit Nunaannut aamma UNICEF Kalaallit Nunaannut apeqquteqarnissamut periarfissaqarumaarlutik.

Quppersakkat piffissami aggersumi nuummi agguaanneqarumaarpoq kingornalu aamma Sisimiuni Ilulissanilu. Maanna aamma misissorneqarpoq quppersaakkat nunatsinni sumiiffinnut allanut qanoq apuussinnaanersoq.

Quppersakkat nittartakkatigut uani nassaarineqarsinnaapput:

“Pisoqarpammi?” aajuk
“Ajornartoornermi qitornat imatut ikorfartussavat” aajuk

Paasisaqarnerorusukkuit attavissat:

  • Tina Dam, UNICEF Kalaallit Nunaat, +299 273552
  • Kaj Kleist, Folk & Sikkerhed Kalaallit Nunaat, +299 585277