Tusagassiuutitigut nalunaarut
Ukioq manna Meeqqat Ataatsimeersuarneranni NAKUUSA meeqqanit Kalaallit. Nunaat tamakkerlugu aggersunit katersuutsitseqqilerpoq
Meeqqat Kalaallit Nunaanni tamaneersut Nuummi Meeqqat Ataatsimeersuarnerannut 2026 ataatsimiinnissaminnut piareerput. Tamaani katersuutissapput Meeqqat Isummersorfii misilittakkaminnik ingerlatitseqqinniarlutik, imminnut unamminiarlutik aamma – tamanit pingaarnertut – ukioq manna sammisaq sulissutiginiiarlugu, qanoq allannguineq ajunngitsoq ilumut pilersissavarput.
Ukioq manna sammisaq taassaavoq “Iliuuseqarsinnaassuseq, meeqqanut aamma inuusuttuaqqanut siumukarnermik pilersitsisoq”, aamma anguniarneqartoq erseqqippoq: Tusaaneqarneq kisimi pineqanngilaq, kisianni iliuuseqarsinnaassuseq.
Ulluni marlunni sukumiisumik sammisaqarfiusumi meeqqat ataatsimoorlutik ingerlaqatigineqassapput, tassani namminneq najukkaminni misigisatik suliarissavaat, taamatuttaaq nakuussutitik aamma isumassarsiatik. Tamatut ingerlanerminni misissussavaat qanoq allanngortitsinermut peqataasinnaaneq – nammineq inuunerisami, avatangiisini ataatsimoornerni aamma inuiaqatigiinni ataatsimut isigalugit.
Pilersaarut imatut katitigaavoq meeqqat misilittakkaminnik ingerlatitseqqissapput, unamminartut iliuuseqarfigerusutatik paasiniassavaat aamma sapiissutsimik pilersitsiartussapput, iliuuseqarsinnaanermik aamma upperissavaat, nammineq nipertik nikisitsinermut sunniuteqarsinnaasoq. Nammineq ulluinnarni atukkatik isummersorfigissavaat ineriartornermut piviusumik aaqqiissutissanik siunnersuuteqassapput, taakkualu ataatsimiittarfiup avataani malugineqarsinnaassapput.
Soorlu tamatigut pisartoq suliaq suliap inernerissavaat ataatsimut aalajangersagaq, aalajangiisartunut, inunnut sulialinnut aamma Kalaallit Nunaani meeqqanut inuusuttuaqqanullu inassuteqaatinik erseqqissunik oqariartuutitalik.
Ukioq manna pilersaarut aammattaaq nutaamik aamma allaanerusumik ilaqarpoq, tassani politikerit aamma aalajangiisartut aggersarneqassapput qanimut meeqqani suleqateqarnissaminnut. Tassani pilersinneqassaaq oqaloqatigiinnermi killiussaq
nutaaq – killiussaq tassaasoq, naligiilluni naapeqatigiinnissamut inissaqartitsisoq aamma tassani pissarsiarineqassaaq paaseqatigiinneq unamminartut aamma periarfissaq pillugit.
Meeqqat ataatsimeersuarnerat aallaaviuvoq immikkut illuinnartoq, tassani meeqqat tusarnaarneqaannartanngillat – kisianni ilumoortumik pineqarlutik. Tassaniuna isumassarsiat inassuteqaatitut pilersinneqartartut, kiisalu meeqqat aamma
inersimasut ataatsimoorlutik piviusumik allanngortitsinissamut alloriarnerit siulliit tummartaraat.
Aaqqissuussisunit meeqqat aallussinerat annertuumik ataqqineqarpoq: Takunnissinnaanermik ilumoortumik, oqaluttuarnernik sapiunnatik aamma siunissamut takorluukkanik annertuunik tuniussisarput. Namminneq inuunerminnut immikkut ilisimasaliupput – oqariartuutaat aalajangiisuupput uagut inuiaqatigiinnik pilersitsissagutta, tassani meeqqaat aamma inuusuttuaqqat tamarmik iluarisimaarinnillutik, taamak oqarpoq suliniummik aqutsisoq Tina Dam, UNICEF Kalaallit Nunaanni.
Isumalluarnerit qaffasipput aamma ullunut marlunnut nukissaqarluarnermut, oqaloqatigiinnut aamma ilisimasanut nutaanut qilanaarpugut, meeqqat, inuit attaveqaataasut aamma aalajangiisuusartut Nuummi katersuuppata.
Piffissaq aamma sumiiffik:
11.–12. april 2026, Nuuk
Paasissutissat annertunerusut:
Ida Kleist Motzfeldt
ikmotzfeldt@unicef.dk
