Quppersagaq nutaaq meeqqat pisinnaatitaaffiinut tunngasoq
FN-ip Nunarsuaq tamakkerlugu Meeqqanut ullorititaannut atatillugu ulloq 20. novembari ullumi atuartitsinermut quppersagaq nutaaq saqqummiupparput: “Pisinnaatitaaffitit ilisimakkit”.
Quppersagaq atuartunik akullernit aamma angajullernit suliarineqarput aamma nunami tamarmi atuarfinnut sammisuullutik. Filimi annillatseriaannarmi suliarineqarput, taamaalillutik najukkami atuartitsinermi atorneqarsinnaallutik.
Quppersagaq suliassanik, sungiusagassanik aamma eqqarsaatigalugu ingerlatassanik imaqarpoq, taakkua atuartut ilisimasaannik aamma Meeqqat Pisinnaatitaaffiinik paasinninnerat annertusassavaat. Tamatuma saniatigut ilinniartitsisumut ilitsersuut ilaavoq taanna isumassarsiorfiuvoq, qanoq iliornikkut atortussiat atuartitsinermut ilanngunneqarsinnaanerannut.
Tamatumunnga ilutigitillugu ilinniartitsisut takujuminartumik aamma atuinissamut sammisuuvoq aaqqissuussamik sakkussaalluni Meeqqat Pisinnaatitaaffii pillugit suliaqarnissamut fagit aamma ulluinnarni pædagogiskiusumik periutsit apeqqutaatinnagit.
Atuartitsinermut quppersagaq Meeqqat pisinnaatitaaffiini immikkoortoq 42 tapersersorpaa, tassani erseqqissaatigineqarpoq meeqqat kikkulluunniit tamarmik pisinnaatitaaffitik ilisimassagaat. Neriuutigaarput ilinniusiaq atorluarneqarumaartut kiisalu atuartut namminneq aamma meeqqat allat pisinnaatitaaffiinik ilisimasaqarnerulernissaannut pitsanngorsaataajumaartoq.
