Meeqqat politikerinut: Oqaluinnartoqarani iliuuseqartoqartariaqarpoq
Sapaatit akunnerata naanerani Nunatsinni tamaneersut meeqqat 25-t Meeqqat Ataatsimeersuarneranni 2026-mi, NAKUUSA-pilersaarut aqqutigalugu UNICEF Kalaallit Nunaat aaqqissuisoqaralu naapeqatigiipput. Tassani meeqqat qitiutippaat isumassarsiat namminneq inuunerminni aamma inuiaqatigiinni qanoq piviusunngorlugit iliuuseqarfigineqarsinnaanersut.
Årets tema var “Handling, der skaber fremdrift for børn og unge”, og gennem to dage arbejdede børnene målrettet med at udvikle løsninger og anbefalinger, som nu samles i en fælles resolution.
Ukioq manna qulequtarineqartoq tassaavoq ”Iliuuseqarneq, meeqqanik aamma inuusuttunik siuarsaasuusoq” ullunilu marlunni meeqqat aaqqiissutissat aamma innersuussutissat sukumiisumik suliaraat, taakku maanna ataatsimoortillugit isumaqatigiissutitut saqqummiunneqarluni.
” Meeqqat ataatsimeersuarnitsinni pingaartitagut oqaluuserivagut. Misigisimavungalu politikkerinut anngukkusutat apuullugit, tamannalu oqiliallannarlunilu toqqissinavataarpoq, Meeqqat Isummersorfiini ilaasortaq Lykke oqarpoq.
Ataatsimeersuarnermi qitiutinneqartut ilagaat meeqqat aamma politikerit ataatsimeeqatigiinnissaat, aalajangiisartut oqaloqatigiinnermi aamma ataatsimut ingerlatani peqataalluarlutik. Tamatumuuna meeqqat periarfissinneqarput namminneq isiginnittariaasiminnik toqqaannartumik saqqummiussinissaminnut, tamannalu ilutigalugu politikerit unammillernartorsiortillugit siunnersuisutut inissisimalersinnerisigut meeqqat isumassarsiaannik pimoorussillutik suliaqarlutik.
”Meeqqanik aamma inuusuttunik ataatsimeeqateqarnerput attortinnarlunilu isumassarsinarpoq. Meerartagut inuusuttortattalu siunnerfii minguitsut, naapertuilluartumik misigisaqarusunnertik minnerunngitsumillu paquminarsinnaasunik ammasumik isummernerat pissarsiaqarnaqaaq, – nersugassaaqaallu”, Peqqissutsimut Inunnullu Innarluutilinnut Naalakkersuisoq, Anna Wangenheim oqarpoq.
Meeqqat Ataatsimeersuarnerat Nunatsinni periarfissatuaallutik aallaviit ikittut ilagaat nunatsinni suminngaanneerneq apeqqutaatinnagu meeqqat naapeqatigiinnissaannut namminnerlu pisinnaatitaaffitik sunniuteqarsinnaanertillu aaqqiissuulluakkamik sulissutigalugu. UNICEFip Nakuusa aqqutigalugu 2011-miilli meeqqat ataatsimeersuarnerat ingerlattarpaa. Ukioq manna ataatsimeersuarnerup takutilluarpaa meeqqat tusarneqarnissartik kisiat kissaatiginngikkaat – aaqqiissutini taamatullu erseqqissumik allannguinermi peqataatilluarneqarnissartik kissaatigaat.
Piffissami aggersumi meeqqat innersuussutaat ataatsimut katersorneqarlutillu aalajangiisartunut saqqummiunneqasapput.
UNICEF Kalaallit Nunaata Meeqqat Isummersorfii, najukkani inuit attaveqarfigisartakkat kiisalu suleqatigisat soorlu MIO, Vivi Fleischer, saqqummiussisut pikkorissut aamma allat tamaasa ukioq manna meeqqat katersuutsillutik Meeqqat Ataatsimeersuarneranni peqataanissaannut periarfissaqalersitsisut qujassuteqarfigingaarpai.
