Paasititsiniut: Qaamanerup
qinngoqqavaatit
Meeraanermi malugineqarneq qanilaarfigineqarnerlu
Paasititsiniut inersimasut meeqqap inuunerani tapersersuinikkut, piffissaqarfiginninnikkut isumassuinikkullu qanoq ajunngitsumik sunniuteqarsinnaanerinut tunngavoq.
Meeraanerit eqqarsaatigileraangakku, inersimasumik ilinnut ajunngitsumik sunniuteqarsimasumik eqqaamasaqarsimassajunnarsivutit — ikiuisimasumik, piffissaqarfiginnissimasumik ilinnulluunniit sunniuteqartumik oqaaseqarsimasumik. Naqitaaqqami matumani inersimasutut meeqqanut sunniuteqarluarsinnaanissannut NAKUUSA-p isumassarsitinniarpaatit. Tamatta meeraasimavugut meeraanermilu sanngiiffiit nalunngilavut. Meeqqat amerlasuut ulluinnarni atugarissaarneq ajorput, inuunermili pitsaasumik inersimasortaqaraanni aamma ajunngitsumik inersimasunngornissamut periarfissat pitsaanerujussuusartut misissuinerit takutippaat. Taamaattumik NAKUUSA-p inersimasut tamaasa kajumissaarpai meeqqanut takusartakkaminnut naapittakkaminnulluunniit tapersersueqqullugit.
Paasititsiniut inersimasunut tulluarsagaavoq.
