Paasititsiniut:
Kinami oqas’?
Pisinnaatitaaffiit kissaatigisallu assigiinngissutaat
Meeqqat pisinnaatitaaffiisa kissaatigisaasalu assigiinngissutaat nassuiarniarlugu paasititsiniut.
Paasititsiniummi uani inersimasut meeqqat inuunerannut “akuliuttarnikkut” inersimasutut akisussaaffimmik tigusisarnissaannik kajumissaarneqarput.
Asannittumik isumassuisumillu akuliunneq tassaavoq meeqqap toqqissisimanissaa pillugu killiliineq, piumasaqarneq erseqqissunillu sinaakkuteqartitsineq. Asannittumik isumassuisumillu akuliunneq aamma isumaqarpoq meeqqap pisariaqartitsineratigut isumassorneqarnissaanut illersorneqarnissaanullu periarfissamik aqqutissiuineq. Tamannami meeqqat pisinnaatitaaffigaat.
Paasititsiniut meeqqanut inersimasunullu saaffiginnittuuvoq.
