Paasititsiniut:
Ikinngutaalluarpit?
Qanoq ikinngutaalluartoqartarpa?
2020-mi NAKUUSA-p Meeqqanik Ataatsimeersuartitsinerani peqataasunit oqariartuutigineqartut paasititsiniaanermi atorneqarlutillu tunngavigineqarput, tassanilu qulequtarineqarpoq: „Ataatsimoornerup nukinga“, qulequttalli aamma allat ataatsimeersuarnermi sammineqartut tassapput kinaassutsimut, assigiinngisitaarnermut aamma inoqatinut attaveqaatinut tunngasut.
Tassani Meeqqat Isummersorfii aqqanilinnik inassuteqaasiorput qanoq ililluta immitsinnut ajunngitsumik pissusilersorfigisinnaanitsinnik allallu kiserliortutut tikilluaqqusaanngitsutullu misiginnginnissaannik imalinnik.
Ikinngutaalluarpit? Qanoq ikinngutaalluartoqarsinnaanera pillugu meeqqat inassuteqaataannit oqariartuutaannillu pilersinneqarpoq – meeqqatut, inuusuttutut inersimasutullu ikinngutaalluarnermut tunngasumik. NAKUUSA-p neriuutigaa paasissutissiinermit ilinniartitsissutit oqaloqatigiinnernut eqqarsaatiginninnernullu iluaqutaassasut.
Paasititsiniaaneq meeqqat atuarfianni atuartunut inersimasunullu tulluarsagaavoq.
