Nakuusaaqqanut ilinniartitsisuusunut

isumasioqatigiissitsineq

Nuna tamakkerlugu suliatigut suleqatigiilluarneq

Ukiut tamaasa Nakuusaaqqani ilinniartitsisunut tamanut isumassarsinartumik Nakuusa isumasioqatigiissitsisarpoq – internetikkut imaluunniit naapinnikkut. Suleqatigiinnermik nukittorsaarnissaq, attaveqaatinik pilersitsineq aamma ilinniartitsisut misilittakkanik avitseqatigiittarnissaat oqaloqateqarnissamillu periarfissaqarnissaat siunertaasarpoq. Taamaaliornikkut meeqqat pisinnaatitaaffiinik siuarsaaniarluta suleqatigiissinnaavugut.

Ilinniartitsisunut isumasioqatigiissitsinerup siunertaa

Nakuusaaqqanut ilinniartitsisuusut tamarmik katersortinneqarnerannut anguniagaasarpoq nuna tamakkerlugu suliat pillugit suleqatigiilluartoqarnissaa. Kisimiilluni Nakuusaaqqani ilinniartitsisuugaanni suliatigut kiserliornarsinnaavoq.

Kisimiinngilatilli. Nuna tamakkerlugu Nakuusaaqqanut ilinniartitsisut 40-ngajaapput, taakkulu mailikkut sianernikkulluunniit suleqatigisinnaavatit.

Meeqqanik peqataatitsineq

Ukiut tamaasa ilinniartitsisunik isumasioqatigiissitsinermi sammisaq nutaaq sammitinneqartarpoq, tamatigulli aamma meeqqat peqataatinneqarnissaat Naalagaaffiit Peqatigiillu meeqqat pillugit isumaqatigiissutaa ilinniartitsinermi qanoq atorneqarsinnaanersoq sammineqartuaannarput. Ilinniartitsisut Nakuusaaqqat pillugit aalajangersimasumik suleqatiginninnissaat Nakuusami pingaartippallaanngilarput.

Ilinniartitsisut meerartatik atuarfitsillu pillugit ilisimasaqarluartarput, pitsaanerpaamillu naleqqussarsinnaassuseqarnissaat tatigaarput. Taamaattumik ilinniartitsisut tamarmik naapeqatigiittarnerat aamma pissanganartuusarpoq. Nakuusaaqqat qanoq ingerlanneqarsinnaanerat aamma Naalagaaffiit Peqatigiit meeqqat pillugit isumaqatigiissutaat qanoq tamatta immikkut atuartitsissutigisinnaanerlutigu oqaloqatigiinnissamut periarfissaqarluartarpoq.

Nunatsinni atuarfinni tamani Nakuusaaqqanik atuartitsisoqarnissaa meeqqallu pisinnaatitaaffitik pillugit ilisimasaqarnissaat taakkuninngalu ulluinnarni inuunerminni qanoq atuisinnaanertik ilisimaarilissagaat NAKUUSA-mi takorluugaraarput.