Nakuusaaqqat

Meeqqat inuusuttullu oqaaseqartartui meeqqat atuarfiineersut

Nakuusaaqqat NAKUUSA-p meeqqanik peqataatitsinermik suliniutaasa ilagaat atuartullu sinniisaannut assersuunneqarsinnaallutik. Nakuusaaqqat meeqqat inuusuttullu atuarfimmi sunniuteqarnissaannut periarfissiipput – pingaartumik atugarissaarnerannut, ilinniarnerannut ineriartornerannullu tunngasuni.

Atuarfimmi suliniutit sammisassaqartitsinerillu

Nakuusaaqqat meeqqat inuusuttullu tamarmik atugarissaarnerulernissaannut suliniuteqarlutillu sammisassaqartitsisarput. Suliniuteqarnermikkut meeqqat pisinnaatitaaffiinik pingaartitsiffiusumik avatangiiseqartitsisarput.

Nakuusaaqqat atuarfimmi qinigaasartut akullernit angajullerniillu atuartunik qulinik ilaasortaqartarput. Ilaasortaasut taamaalillutik sinniisuusut atuartut isiginnittaasiat qanoq ittuunersoq naluneq ajorpaat. Suleqatigiinnikkut atuarfimmi avatangiisit peqqinnartut akuutitsisullu, meeqqat tamarmik toqqissisimaffigalugulu naleqartinneqartutut misigiffigisaat, Nakuusaaqqat siuarsartarpaat.

Nakuusaaqqat meeqqat pisinnaatitaaffiinik atugarissaarnissaannillu suliniuteqarnerminni Naalagaaffiit Peqatigiit meeqqat pillugit isumaqatigiissutaa tunngavigaat.

Nakuusaaqqani ilaasortartut

Naalagaaffiit Peqatigiit meeqqat pillugit Isumaqatigiissutaanik immikkut ilisimasaqassaatit, ilisimasatillu atorlugit meeqqat inuusuttullu attaveqatigiinnerat, peqataatinneqarnerat aalajangeeqataanerallu nukittorsaavigisassavaat
Meeqqat Isummersorfii suleqatigalugit ilisimasanik avitseqatiginnittassaatit

Atuarfimmi meeqqat inuusuttullu atugarissaarnerunissaannut iluaqutaasunik suliniuteqartassaatit
Nakuusaaqqat ersarissarnissaanut ikiuuttassaatit aamma meeqqat inuusuttullu allat najukkami iliuuseqarnissaannut kajumissaartassavatit

Atuarfimmi Nakuusaaraqarnersoq ilinniartitsisut nakkutilliisulluunniit aperikkit.

Atuarfimmi Nakuusaaqqanik pilersitsiniarussi
info@nakuusa.gl – ikkut attavigitigut.

Attaveqatigiinneq nukittooq

Ilinniartitsisunik isumasioqatigiissitsineq

Ukiut tamaasa NAKUUSA-p Nakuusaaqqani ilinniartitsisuusut tamaasa isumassarsiorfiusinnaasumik ilinniartitsisunik isumasioqatigiissitsinissamut NAKUUSA-p qaaqqusarpai, tassani suleqatigiinneq nukittorsarneqartarpoq meeqqallu pisinnaatitaaffiinik siuarsaaniarluni misilittakkanik paarlaasseqatigiittoqartarluni.

Paasisaqarnerugit