Meeqqat ataatsimeersuarnerat

2025

Qulequtaq: Avatangiisit peqqinnartut

Ukioq 2025 meeqqat ataasimeersuarnerminni avatangiisit peqqinnartut sammivaat. Meeqqat tamarmik peqataaffigisaannik ullutsinni meeqqanut atugassarititaasut pitsanngorsarsinnaasut, inuiaqatigiit akornanni itisuumik eqqartorpaat.Ataatsimeersuarnermi saqqummiussinerit, politikkerinik qanimut naapitsinerit oqallinnerillu assigiinngitsut pipput.

Meeqqat ataatsimeersuarnerat 2025

Meeqqat nammineerlutik avatangiisit peqqinnartut pillugit ammasumik oqallipput. Oqallinnermi annermik nuna tamakkerlugu meeqqat tamarmik, qanoq peqqinnartumik toqqissisimasumillu inooriaaseqassappata allannguutissat assigiinngitsut eqqartorpaat. Isiginnaagassiaq ataani takuuk:

2025-imi aaliangersagaq

Aalajangersakkatut siunnersuutit politikkerinut najukkanilu oqartussanut ataani naatsukullanngorlugit takuneqarsinnaapput.

Politikerinut oqartussanullu oqariartuutit:

  • Meeqqanut angerlarsimaffimmi toqqissisimanngittarneq ajornartorsiutaavoq, imigassat aalakoornartortallit peqqutaallutik. Taamaammat meeqqat piaartumik ikiorneqartariaqarput.
  • Meeqqat toqqissisimanissaat anguniarlugu kissaatigaarput, toqqissisimatitsillutik angalaartartunik (tryghedspatrulje pilersitsisoqassasoq.
  • Inuit pisiniarfiup silataani aalakoornartumik atuisut meeqqanut toqqissisimananngitsumik pilersitsisarput, taamaammat kissaatigaarput imigassat aalakoornartortallit immikkut pisiniarfeqalissasut.

Sumiiffinni oqartussanut oqariartuutit (kommunenut):

  • Sunngiffimmi ornittakkat piffinni arlariinni nutaanngilinikuupput. Taammaammat toqqissilluta isersimaarfigisinnaassatta nutarterneqarnissaat kissaatigaarput.
  • Sumiiffinni assigiinngitsuni eqqagassat assigiinngitsut takussaapput. Taamaammat sumiiffigisatta torertuunissaa eqqiluinnerunissaalu kissaatigaarput.
  • Inuusuttuaqqat aanngajaarniutinik siusinaartumik atuilertarput susassaaleqinertik pillugu, taamaammat sumiiffigisami sammisassat amerlanerit pisariaqartippagut.

Meeqqat tamaasa pillugit ataatsimoornerulluta inuiaqatigiit nukittunerusut toqqissisimanerusullu pilersissinnaavagut.

Ukiormanna aaliangersagaq

Meeqqat ataatsimeersuarneranni aaliangersagaq 2025-imeersoq takusinnaavat ataani toortagaq toorlugu.
Aaliangersakkami oqariartuutit politikkerinut oqartussanullu oqariartuutaapput.

Aajuk aalajangiineq 2025-imut

Neriuutigaarput aalajangiussaq politikkikkut suliniutinik tigussaasunik pilersitsissasoq, meeqqat inuusuttullu avatangiisini peqqinnartuni toqqissisimanartunilu atugaqarnissaat qulakkeerniarlugu.