Meeqqat ataatsimeersuarnerat

2020

Qulequtaq: Ataatsimoornermi nukittussuseq

2020-mi Meeqqat Ataatsimeersuarnerat onlinekkut ingerlanneqarpoq, kisianni tamatuma pinngitsoortinngilaa meeqqat nuna tamakkerlugu peqataasut 29-t pimoorussillutik eqqartormassuk: ataatsimoornermi nukittussuseq.

Børnenes anbefalinger

2020-mi Meeqqat Ataatsimeersuarnerat onlinekkut ingerlanneqarpoq, kisianni tamatuma pinngitsoortinngilaa meeqqat nuna tamakkerlugu peqataasut 29-t pimoorussillutik eqqartormassuk: ataatsimoornermi nukittussuseq.

Qulequtaaqqat kinaassuseq, assigiinngiiaassuseq aamma inuit attaveqaqatigiiffii eqqartoramikkit peqataasut misilittakkaminnik imminnut avisseqatigiipput aamma kingumut qiviarlutik eqqarsaatiminnik uagut inuiaqatigiittut qanoq iliorluta pitsaanerusumik ilanngutititsisinnaalersinnaanerput aamma paasinerulersinnaanerput pillugit.

Meeqqat erseqqissarpaat uagut tamatta namminiussuseqarsinnaanerput aamma ataatsimoornermi peqataasinnaassuseqartugut, kikkuugaluaruttaluunniit. Meeqqat kajumissaaripput assigiinngissuseqarneq nukittussusertut isigineqassasoq, aamma uagut piviusumik iliuuseqarsinnaasugut immitsinnut ilisarinerulernissatsinnut immitsinnullu pitsaasumik pissuseqarfiginissatsinnut – immitsinnut naapittarnitsigut aamma digital-imik inuuneqarnermi.

Isumaqatigiissutiminni meeqqat innersuussutitik saqqummiuppaat, taakku takutippaat namminneq kissaatitik inuiaqatigiinni inissaqartitsisuni ataqqinnittunilu, kimit ataasinnguamilluunniit ataatsimoornermi peqataajunnaarsitsisoqarnani.

Kinaassuseq:

  • Kulturigut assigiinngitsut paasissutissiissutiginiarlu[1]git arlalinnik videoliortoqartariaqartoq, atuarfinni, nittartakkatigullu attaveqaatitigut siammarterneqarsinnaasunik. Il.il.
  • Atuarfinni kulturerput pillugu annertunerusumik ilinniartitsisoqartariaqaraluarpoq, nunatta immikkoortuani allani qanoq ittoqarnersoq ilikkarniassagatsigu.
  • Aaqqissuussinerit meeqqanut tulluuttut kalaallit kulturiannut tunngasut amerlanerusariaqarput. Soorlu Kalaallit kulturiat pillugu festivali, oqalugiarnerit, filmertitsinerit, suliniutit il.il.
  • Oqaatsinik ilinniarnissamut periarfissat amerlanerul[1]lutillu ammanerussagaluarput; apps sananeqarsinnaapput, qarasaasiakkut ilinniartitsinerit pisinnaapput, kiisalu inersimasunut meeqqanullu ilinniartitsinerit pisinnaallutik.

Assigiinngiiaassuseq:

  • ”Tusaannga”-mut tapertaasumik allamik pilersitsisoqartariaqarpoq, nikassaasarnerillu iliuuseqarfiginerusariaqarput.
  • Nikassaanerit sammineqarnerusariaqarput innuttaasullu akornanni eqqartorneqarnerusariaqarlutik. Tamanna ilaatigut atuarfinni nittartakkatigullu attaveqaatitigut aaqqissuussinikkut ingerlanneqarsinnaakutsoorpoq. Inersimasut tamanna piviusunngortissinnaassavaat maligassiuisuullutillu.
  • Atuarfinni atuaqatigiinni tamani nikassaasarneq eqqartorneqartariaqarpoq, ataasiakkaanullu qanoq sunniuteqartarnersoq eqqartorlugu, ataqqeqatigiittumillu pissusilersornissaq eqqumaffigineqartariaqarpoq.
  • Nutaanik atuaqatitaarnermi ilinniartitsisullu ataqqeqatigiinnissaq pillugu eqqartuisoqartariaqarpoq kikkullu tamarmik akuerineqartutut toqqissisimasutullu misigititaasariaqarput.

Inuit attaveqaqatigiiffii:

  • Pisortat tungaanniit erseqqinnerusumik nittartakkatigut attaveqaatit meeqqanit qassinik ukiulinneersunit atorneqarsinnaaneri takusassiarineqartariaqarpoq, kiisalu nittartakkatigut attaveqaatinik atuinermi qanoq pissuserissaarnissaq paasissutissiissutigineqarnerusariaqaroq.
  • Nittartakkatigut paasissutissat tamarmik kalaallisuunngortinneqartariaqarput, kalaallisuinnarlu oqaasilinnut atoruminarsisinneqarlutik.
  • Aqqissuussinerit amerlanerit ingerlanneqartariaqarput, nikassaanerit pillugit misilittakkanut tunngasut eqqartortarlugit, taavalu inummut nikassarneqartumut qanoq sunniuteqartarnersut eqqartorlugit – inuunerullu sinneranut qanoq sunniuteqarsinnaanersut eqqartorlugit, qanorlu nikassaarisarneq pinaveersaarneqarsinnaanersoq eqqartorneqarsinnaalluni.

“Ta­mat­ta pi­sin­naa­ti­taaf­fe­qar­pu­gut a­taat­si­moor­ner­mut pe­qa­taa­nis­sa­mut, ki­naa­ner­put a­peq­qu­taa­tin­na­gu kii­sa­lu ta­mat­ta pi­sus­saaf­fe­qar­pu­gut kik­kuu­ga­lu­ar­tu­nik a­taat­si­moor­ner­mut pe­qa­taa­tit­si­nis­sa­mut.”

Årets resolution

Isumaqatigiissutiminni meeqqat innersuussutitik saqqummiuppaat, taakku takutippaat namminneq kissaatitik inuiaqatigiinni inissaqartitsisuni ataqqinnittunilu, kimit ataasinnguamilluunniit ataatsimoornermi peqataajunnaarsitsisoqarnani.

Download resolution for 2020

Inuttut ingerlalluassagutta ataatsimooqatigiinnut peqataatitaasutut misigititaasussaavugut. Kiserliornerit ataatsimoortunullu peqataatitaanngitsutut misigisimanerit allaat imminut toqunnissamut assigisaannullu aqqutissiuussisartut nalunngereerparput. Tamavitta ataatsimoortunut peqataasinnaatitaavugut, allallu peqataatinnissaannut tamavitta pisussaaffeqarpugut.