Meeqqat ataatsimeersuarnerat

2019

Qulequtaq: Naalagaaffiit Peqatigiit nunarsuarmi anguniagaat 3, 4, 16 aamma 17

2019-imi meeqqat Kalaallit Nunaannit tamaneersut 29-t Meeqqat Ataatsimeersuarneranni Kangerlussuarmi ingerlanneqartumi ataatsimoortinneqarput. Tamaani Naalagaaffiit Peqatigiit Nunarsuaq tamakkerlugu anguniagaat sisamat pillugit suliaqarput: Peqqinnissaq aamma atugarissaarneq, pitsaassuseq pillugu ilinniartitsineq, eqqissineq aamma naapertuilluarneq, aamma iliuuseqarnissamut suleqatit pillugit.

Meeqqat inassuteqaataat ukuupput

Ataatsimoorlutik oqallissutigaat Kalaallit Nunaat qanoq pitsaanerutigisumik peroriartorfiusinnaanera, aamma politikerinut inersimasunullu arlalinnik erseqqissunik pingaarutilinnillu innersuussutit oqaasertalersorlugit.

Atuarfiit anginerit isumaginninnermi siunnersorteqalissapput:

  • Meeqqat ilaatigut tikkuarpaat atuarfiit tamarmik isumaginninnermi siunnersorteqartumik oqaloqateqarsinnaanissamut pisariaqartitsineq, aamma ilinniartitsisut meeqqap ikiorneqartariaqarneranik paasinninnissaminnut pitsaanerusumik piareersimanerussasut. Aammattaaq siunnersuutigaat meeqqat pillugit pisinnaatitaaffiit aamma Nunarsuaq tamakkerlugu Anguniakkat aalajangersimasumik atuartitsinermi ilaasarnissaat.

Meeqqanut sukkasuumik ikiuineq:

  • Isumaqatigiissummi meeqqat ujartorpaat, pilertornerusumik meeqqat pillugit suliaqartoqartarnissaa, ingammik kinguaassiutitigut atornerluisoqarsimatillugu suliani. Aammattaaq meeqqat noqqaassutigaat meeqqat nipaat angajoqqaat avinnerisigut tusaaniarneqartarnissaat.

Avinngarusimasunut internetsi sukkanerusoq:

  • Illoqarfinni avinngarusumisuni najugaqartunut digitalikkut attaviit sukkanerunissaat kissaatigineqarpoq, atuarfinni paasissutissanik paasissutissallu siammasinnerusut internetsi atorlugu paasiniarneqartarmata

”Na­kuu­sap Meeq­qat I­sum­mer­sor­fii­nut pi­ngaa­ru­te­qar­poq i­ner­si­ma­sut ta­mar­mik i­nu­i­a­qa­ti­giin­ni su­sas­sa­qar­tut i­su­ma­qa­ti­giis­sut u­na i­la­ler­lu­as­sa­gaat. Taa­maat­tu­mik Nu­nar­su­ar­mi A­ngu­ni­ak­ka­ni 17 i­lan­ngup­par­put; Su­le­qa­ti­giin­nik­kut a­ngu­ni­a­ga­qar­neq, tas­sa­mi kis­saa­ti­gi­gat­si­gu po­li­tik­ke­rit, i­nuus­su­tis­sar­si­or­tut, a­nga­joq­qaat, i­nu­it i­lin­ni­a­gal­lit aam­ma i­ner­si­ma­sut al­lat ta­mar­mik meeq­qa­nik sam­mi­sa­qar­tut pi­sin­naa­ti­taaf­fit­sin­nik ki­vit­se­qa­taa­nis­saat.”

Ukioq manna aaliangiussat:

Uani 2019-imi meeqqat ataatsimeersuarneranni aaliangersagaq, Meeqqat Isummersorfiannit suliarineqartoq takusinnaavat. Aaliangersagaq politikkerinut, kommuninut susassaqartunullu allanut ingerlateqqinnikuuvoq.

Isumaqatigiissut tamakkiisoq uani atuaruk

Isumaqatigiissut aalajangiisartunut tunniunneqarpoq Naalagaaffiit Peqatigiit Meeqqat pillugit Isumaqatigiissutaata novembarip ulluisa 20-anni 2019-imi ukiut 30-nngortorsiornerani. Meeqqanut pingaartuuvoq tusaaneqarnissaq – kisianni suli pingaarneruvoq namminneq innersuussutitik iliuuseqarnermik kinguneqarpata.